قازاقستان رەسپۋبليكاسى باس پروكۋراتۋراسىنىڭ بۇيرىعى №57 

2016 جىلعى 31 ناۋرىز, استانا قالاسى قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ  ورگاندارى اكادەمياسىندا ءبىلىم بەرۋ تەحنولوگيالارىن قولدانا وتىرىپ وقۋ پروتسەسىن ۇيىمداستىرۋ قاعيدالارىن بەكىتۋ تۋرالى «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 5-1-بابىنىڭ 18) تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىندا (بۇدان ءارى – اكادەميا) ءبىلىم بەرۋ تەحنولوگيالارىن قولدانا وتىرىپ وقۋ پروتسەسىن ۇيىمداستىرۋ قاعيدالارى بەكىتىلسىن. 2. اكادەميانىڭ رەكتورى ۇ.س.بايجانوۆ: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى; 3) وسى بۇيرىقتى قازاقستان رەسپۋبليكاسى ادىلەت مينيسترلىگىندە العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 4) وسى بۇيرىقتى قازاقستان رەسپۋبليكاسى باس پروكۋراتۋراسىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى ي.د. مەركەلگە جۇكتەلسىن. 4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ باس پروكۋرورى ا.داۋىلباەۆ قازاقستان رەسپۋبليكاسى باس پروكۋرورىنىڭ 2016 جىلعى 31 ناۋرىزداعى №57 بۇيرىعىمەن بەكىتىلگەن قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىندا ءبىلىم بەرۋ تەحنولوگيالارىن قولدانا وتىرىپ وقۋ پروتسەسىن ۇيىمداستىرۋ قاعيدالارى 1. جالپى ەرەجەلەر 1. وسى قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىندا ءبىلىم بەرۋ تەحنولوگيالارىن قولدانا وتىرىپ وقۋ پروتسەسىن ۇيىمداستىرۋ قاعيدالارى (بۇدان ءارى – قاعيدالار) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-1-بابى 18) تارماقشاسىنا سايكەس ازىرلەنگەن. 2. قاعيدالار قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىندا (بۇدان ءارى – اكادەميا) قاشىقتىقتان ءبىلىم بەرۋ تەحنولوگيالارىن (بۇدان ءارى – قبت) قولدانا وتىرىپ وقۋ پروتسەسىن ۇيىمداستىرۋ ءتارتىبىن انىقتايدى. 3. قبت ىسكە اسىرۋ مىناداي تۇرلەر بويىنشا جۇزەگە اسىرىلادى: تەلەديدارلى تەحنولوگيا, جەلىلىك تەحنولوگيا جانە كەيس-تەحنولوگيا. 4. وسى قاعيدالاردا مىناداي تەرميندەر مەن انىقتامالار پايدالانىلادى: 1) اقپاراتتىق-ءبىلىم بەرۋ پورتالى – قبت بويىنشا ءبىلىم بەرۋ پروتسەسىن ۇيىمداستىرۋعا مۇمكىندىك بەرەتىن اكىمشىلىك-اكادەميالىق وقۋ-ادىستەمەلىك اقپاراتى بار اقپاراتتىق رەسۋرستار مەن ينتەرنەت سەرۆيستەرىنىڭ جەلىلىك ۇيىمداستىرۋشىلىق ءوزارا بايلانىسقان جيىنتىعى; 2) جەلىلىك تەحنولوگيا – وقۋ-ادىستەمەلىك ماتەريالدارمەن قامتاماسىز ەتۋدى, ءبىلىم الۋشىلاردىڭ وقىتۋشىلارمەن جانە ءبىر-بىرىمەن ينتەراكتيۆتىك ءوزارا ءىس-قيمىل نىساندارىن, سونداي-اق ينتەرنەت جەلىسىن پايدالانۋ نەگىزىندە وقۋ پروتسەسىن اكىمشىلەندىرۋدى قامتيتىن تەحنولوگيا; 3) كەيس-تەحنولوگيا – قاعاز, ەلەكتروندى جانە وزگە دە تاسىمالداعىشتاردا وقۋ-ادىستەمەلىك ماتەريالدار جيىنتىعىنا (كەيستەرگە) جانە ولاردى ءوز بەتىنشە زەردەلەۋ ءۇشىن ءبىلىم الۋشىلارعا جەتكىزۋگە نەگىزدەلگەن تەحنولوگيا; 4) كونتەنت – وقۋ ماتەريالدارىن اقپاراتتىق (ماتىندەر, گرافيكا, مۋلتيمەديا جانە وزگە دە اقپارتتىق ماڭىزدى تولىقتىرۋلار) تولىقتىرۋ; 5) قاشىقتىقتان ءبىلىم بەرۋ تەحنولوگيالارىن ىسكە اسىراتىن ءبىلىم بەرۋ ۇيىمىنىڭ ينتەرنەت-رەسۋرسى – ءبىلىم بەرۋ پروتسەسىنىڭ قاتىسۋشىلارى ءۇشىن اكىمشىلىك-اكادەميالىق اقپاراتتارى بار ينتەرنەت-رەسۋرس; 6) مۋلتيمەديا – پايدالانۋشىعا ديالوگتىق رەجيمدە ءار تەكتى دەرەكتەرمەن (گرافيكا, ءماتىن, داۋىس, بەينە) جۇمىس ىستەۋگە مۇمكىندىك بەرەتىن اپپاراتتىق جانە باعدارلامالىق قۇرالدار كەشەنى; 7) «on-line» – ناقتى ۋاقىتتا اقپاراتپەن الماسۋ; 8) «off-line» – ەركىن ۋاقىت كەڭىستىگىندەگى اقپاراتپەن الماسۋ; 9) سيللابۋس – وقۋ ءپانىنىڭ قىسقاشا سيپاتتاماسى بار, وقىتىلاتىن ءپاننىڭ نەگىزگى تاقىرىپتارى كورسەتىلگەن ءبىلىم الۋشىعا ارنالعان ءپان بويىنشا وقىتۋ باعدارلاماسى; 10) تەلەديدارلىق تەحنولوگيا – تەلەديداردىڭ ەفيرلىك, كابەلدىك جانە سپۋتنيكتىك جەلىلەرىن پايدالانۋعا نەگىزدەلگەن تەحنولوگيالار; 11) تەستىلەۋ كەشەنى – ءبىلىم بەرۋ پروتسەسىنىڭ بارلىق دەڭگەيىندە ءبىلىم الۋشىلاردىڭ وقۋ ماتەريالدارىن مەڭگەرۋ دارەجەسىن انىقتاۋ ءۇشىن قولدانىلاتىن باعدارلامالىق قۇرال. 2. قاشىقتىقتان ءبىلىم بەرۋ تەحنولوگيالارى بويىنشا وقۋ پروتسەسىن ۇيىمداستىرۋ ءتارتىبى 5. قبت بويىنشا وقۋ پروتسەسىن ۇيىمداستىرۋ ءۇشىن اكادەميادا: 1) ءبىلىم الۋشىلارعا ارنالعان وقۋ-ادىستەمەلىك جانە ۇيىمداستىرۋشىلىق-اكىمشىلىك اقپاراتى بار پاراقتارىمەن ءبىلىم بەرۋ پورتالىن; 2) تەلەكوممۋنيكاتسيالىق جەلىگە شىعۋ مۇمكىندىگى بار جابدىقتى (ينتەرنەت, سپۋتنيكتىك تەلەديدار); 3) مۋلتيمەديالىق سىنىپتاردى جانە ەلەكتروندىق وقۋ زالدارىن; 4) وقۋ كونتەنتىن; 5) تەستىلەۋ كەشەنىن; 6) وقىتۋدى باسقارۋدىڭ جەلىلىك جۇيەسىن (Learning Management System – LMS) قولدانادى. 6. قبت بويىنشا وقۋ پروتسەسىن ۇيىمداستىرۋ ءۇشىن اكادەميا: 1) پروفەسسورلىق-وقىتۋشىلىق قۇرامدى, قبت-ىن ىسكە اسىرۋ بويىنشا بولىمشەسىنىڭ قىزمەتكەرلەرىن وقىتۋدى ۇيىمداستىرادى; 2) ءبىلىم بەرۋ رەسۋرستارىن ازىرلەۋ جانە جاڭارتۋ ءۇشىن جاعداي جاسايدى; 3) ءبىلىم الۋشىلارعا وقۋ ماتەريالىن اقپاراتتىق تەحنولوگيالار نەمەسە قاعاز تاسىمالداعىشتار ارقىلى جەتكىزەدى; 4) «on-line» رەجيمىندە كەڭەس بەرۋدى ۇيىمداستىرادى جانە وتكىزەدى; 5) «off-line» رەجيمىندە ءبىلىم الۋشىلارمەن كەرى بايلانىستى ۇيىمداستىرادى; 6) «on-line», «off-line» رەجيمىندە ءبىلىم الۋشىلاردىڭ وقۋداعى جەتىستىكتەرىن باقىلايدى; 7) اۋتەنتيفيكاتسيا جۇيەسى ارقىلى ءبىلىم الۋشىلاردىڭ تۇلعاسىن سايكەستەندىرەدى. 7. ءبىلىم الۋشىلاردى وقۋ-ادىستەمەلىك ماتەريالدارمەن قامتاماسىز ەتۋ ءۇشىن اكادەميادا قبت-ىن پايدالانۋ ارقىلى ىسكە اسىرىلاتىن وقۋ جوسپارلارىنىڭ بارلىق پاندەرى بويىنشا ەلەكتروندىق وقۋ-ادىستەمەلىك كەشەندەر قۇراستىرىلادى. ەلەكتروندى وقۋ-ادىستەمەلىك كەشەندەردى دايىنداۋدى بەكىتىلگەن وقۋ جۇمىس باعدارلامالارى بويىنشا كۋرستىڭ ازىرلەۋشىسى جۇزەگە اسىرادى. 8. ءپاننىڭ ەلەكتروندىق وقۋ-ادىستەمەلىك كەشەنى مىندەتتى جانە قوسىمشا جيىنتىقتارىنان تۇرادى. 9. مىندەتتى جيىنتىق: 1) ءپاننىڭ مازمۇنىن, كۇنتىزبەلىك-تاقىرىپتىق جوسپارىن, ۇسىنىلاتىن ادەبيەتتەر (نەگىزگى جانە قوسىمشا) ءتىزىمىن, ءپاننىڭ مودۋلدەرگە ءبولىنۋىن قامتيتىن سيللابۋستان; 2) دارىستەردىڭ ەلەكتروندىق كونسپەكتىسىنەن; 3) پراكتيكالىق جانە سەمينار ساباقتارىنىڭ ماتەريالدارىنان; 4) ءبىلىم الۋشىنىڭ وزىندىك جۇمىسى جانە وقىتۋشىنىڭ باسشىلىعىمەن وزىندىك جۇمىستارىنا ارنالعان تاپسىرمالاردان; 5) ارالىق باقىلاۋدى ۇيىمداستىرۋ ماتەريالدارىنان (باقىلاۋ جۇمىستارى, تەستىلەۋ تاپسىرمالارى, جەكە تاپسىرمالار); 6) قورىتىندى باقىلاۋ ۇيىمداستىرۋ ماتەريالدارىنان (تەستىلەۋ ەمتيحان تاپسىرمالارى, ەمتيحان سۇراقتارى, بيلەتتەر, ەمتيحاندىق باقىلاۋ جۇمىستارى); 7) قاشىقتىقتان كونسۋلتاتسيالار جۇرگىزۋ كەستەسىنەن تۇرادى. 10. قوسىمشا جيىنتىق اكادەميامەن دەربەس انىقتالادى. 11. اكادەميادا ءبىلىم الۋشىلاردىڭ دەرەكتەر بازاسىن ء(بىلىم الۋشىلاردى قابىلداۋ, اۋىستىرۋ, قايتا قابىلداۋ تۋرالى بۇيرىقتار, ولاردىڭ اعىمداعى ۇلگەرىمى تۋرالى مالىمەتتەر) قامتيتىن اقپاراتتىق باسقارۋ جۇيەسى قۇرىلادى. 12. اكادەميادا قبت-نى قولدانا وتىرىپ وقۋ پروتسەسىن ۇيىمداستىرۋدى ءتيىستى ءبىلىم بەرۋ باعدارلامالارىن ىسكە اسىراتىن قۇرىلىمدىق بولىمشەلەر جۇزەگە اسىرادى. 13. قبت-ىن سۇيەمەلدەۋدى جۇزەگە اسىراتىن قۇرىلىمدىق بولىمشە وقۋ پروتسەسىن جوسپارلايدى جانە ۇيىمداستىرادى, قبت-عا بايلانىستى قۇجاتتامانى جۇرگىزەدى. 14. قبت-نى سۇيەمەلدەۋدى جۇزەگە اسىراتىن قۇرىلىمدىق بولىمشە قبت-نىڭ ەلەكتروندىق وقۋلىقتارىن, مۋلتيمەديالىق كۋرستارىن, ادىستەمەلىك قۇرالدارى ازىرلەۋدى, الۋدى جانە يگەرۋدى جۇزەگە اسىرۋعا كونسۋلتاتيۆتىك كومەك كورسەتەدى, ءبىلىمدى باقىلاۋدىڭ تەستىلەۋ جۇيەسىنە جانە باسقا دا قۇرالدارىنا اكىمشىلىك ەتەدى, قبت-رى ءۇشىن اقپاراتتىق رەسۋرستاردى پايدالانۋ ادىستەمەسىن ازىرلەيدى. 15. قبت-ىن سۇيەمەلدەۋدى جۇزەگە اسىراتىن قۇرىلىمدىق بولىمشە قاشىقتىقتان وقىتۋدىڭ باعدارلامالىق, اقپاراتتىق جانە تەحنيكالىق قۇرالدارىن ازىرلەۋگە, يگەرۋگە جانە قولداۋعا بەلسەنە قاتىسادى. 16. اكادەميا ءبىلىم الۋشىلارعا قازىرگى زامانعى قولجەتىمدى بارلىق تەلەكوممۋنيكاتسيالىق قۇرالداردى پايدالانا وتىرىپ, وقۋ پروتسەسىنە قاتىسۋشىلاردىڭ ءوزارا ارەكەت ەتۋى ارقىلى ادىستەمەلىك كومەكتى قامتاماسىز ەتەدى. 17. ءبىلىم بەرۋ قىزمەتىنىڭ بارلىق تۇرلەرى: 1) وقىتۋشىنىڭ نەمەسە قبت-ىن سۇيەمەلدەۋدى جۇزەگە اسىراتىن قۇرىلىمدىق بولىمشەسى قىزمەتكەرىنىڭ ءبىلىم الۋشى­لارمەن تەلەكوممۋنيكاتسيالىق قۇرالداردى پايدالانا نەمەسە اكادەميادا تىكەلەي بايلانىس ورناتا وتىرىپ قاتىناسى; 2) ءبىلىم الۋشىنىڭ وقىتۋ قۇرالدارىمەن وزىندىك جۇمىسى (واك, قوسىمشا ادەبيەت) ارقىلى جۇزەگە اسىرىلادى. 18. قبت قاشىقتىقتان وقۋ ساباقتارىن «وn-line», «off-line» رەجيمىندە وتكىزۋگە نەگىزدەلگەن. 19. «وn-line» رەجيمىندە وقۋ ساباقتارى ناقتى ۋاقىت رەجيمىندە وقۋدىڭ ءوزارا ءىس-ارەكەتى پروتسەسىن قاراستىرادى (بەينەكونفەرەنتسيا, ينتەرنەت جەلىسىمەن حابار الماسۋ, تەلەفون اپپاراتى ارقىلى كەلىسسوزدەر). 20. «وff-line» رەجيمىندەگى وقۋ ساباقتارى وقىتۋشى مەن ءبىلىم الۋشى اراسىنداعى اسينحروندى تىلدەسۋدىڭ (ەلەكتروندىق پوشتا, كەيىننەن ارالىق جانە/نەمەسە قورىتىندى باقىلاۋ تاپسىرۋمەن وقىتۋشىنىڭ تاپسىرماسى بويىنشا ءبىلىم الۋشىنىڭ وقۋلىقپەن جۇمىسى) وقۋ ءىس-ارەكەتى پروتسەسىن قاراستىرادى. 21. ءبىلىم الۋشىلاردىڭ ۇلگەرىمىن اعىمدىق باقىلاۋ جانە ارالىق اتتەستاتتاۋ وقۋ جۇمىس جوسپارىنا, اكادەميالىق كۇنتىزبەگە جانە وقۋ باعدارلامالارىنا سايكەس جۇزەگە اسىرىلادى. 22. ۇلگەرىمدى اعىمدىق باقىلاۋدى جانە ارالىق اتتەستاتتاۋدى: 1) تەلەكوممۋنيكاتسيالىق قۇرالداردى پايدالانۋمەن قوسا وn-line رەجيمىندە ءبىلىم الۋشى مەن وقىتۋشىنىڭ تىكەلەي قاتىناسى; 2) اۆتوماتتاندىرىلعان تەستىلەۋ كەشەندەرى; 3) جازباشا جەكە تاپسىرمالاردى تەكسەرۋ (كەيس-تەحنولوگيا) ارقىلى وتكىزۋگە رۇقسات ەتىلەدى. 23. ءبىلىم الۋشى ءپان بويىنشا ارالىق اتتەستاتتاۋعا وقۋ جۇمىسى باعدارلاماسىمەن بەلگىلەنگەن بارلىق باقىلاۋ ءىس-شارالارىن ورىنداعاننان جانە تاپسىرعاننان كەيىن جىبەرىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 30 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13672 بولىپ ەنگىزىلدى.